Panagpaksiat iti Peste

Print option in slimbox / lytebox? (info)

KEY CHECK 7:

Saan a bimmassit ti apit gapu kadagiti peste.

Napateg a paset ti panagpatanur iti pagay ti husto a panangmenehar kadagiti peste. No ammo dagiti epekto iti pagay dagiti organismo, ti aglawlaw ken ti wagas iti panangtaripato iti pagay, maawatan metten no kasano ti kadakkel ti dadael nga ipaay dagiti peste. Nasken nga ammuen dagiti peste ken ti pangiyaplikar kadagiti nadumaduma a wagas iti panangmanehar iti pagay kas iti panagmula kadagiti naresistansia iti sakit a barayti, husto a panangisagana iti daga, tiempo ken wagas ti panagraep/sabog, panagabono, biolohikal control, panagpadanum ken panagaramat iti pestisidio. Amin dagitoy ket nasken ken agkokonektar para iti pannakagun-od ti nangato nga apit.

Panangamiris ti Key Check

Saan a naksayan unay ti apit gapu kadagiti peste nga insekto, sakit, ruot, bao, bisukol ken tumatayab. Dakkel a dadael iti mula ti mapasamak no dua wenno ad-adu pay a klase ti peste ti agdadael.

Rekomendasion tapno maipatungpal ti Key Check

Agusar iti barayti a naandur kadagiti peste ken sakit nga agraira iti lugaryo. Ti panagusar kadagiti naandur a barayti ti umuna a depensa iti panangmanehar kadagiti peste ken kaasping iti biolohikal control.
Sukatan ti barayti iti tunggal 2 agingga iti 4 a panagapit tapno maputed ti pannakairuam dagiti peste ket maatipa ti ikakaro da.
Change or rotate varieties every 2 to 4 croppings to disrupt insect pest and disease adaptation, thereby preventing build up of virulent pathogens and insect pests.
Agigiddan a panagraep/sabog kalpasan a napainanaan ti talon iti lugar. (Kitaen ti KeyCheck 3)
Biagen dagiti gagayyem nga organismo. Adu dagiti gagayyem nga organismo kadagiti kataltalonan, no la ketdi saan da a matay gapu iti pestisidio. Ti sobra a panagaramat kadagiti pestisidio ket matay dagiti organismo, madadael ti natural a balance dagiti agpada a gagayyem nga organismo ken dagiti peste.

Nasayaat unay no biagen dagitoy nga organismo, menos gastos pay. Kas pagarigan, kanen ti longhorned grasshopper dagiti itlog ti stemborers kabayatan a kanen met ti lawwalawwa dagiti leafhoppers ken planthoppers.

Munitoren ti talon. Regular a munitoren ti talon kabayatan ti panagdakkel ti pagay tapno sigud a makita dagiti rumrumsua pay laeng a peste. Iti daytoy, dagus met a maipatungpal dagiti addang tapno maatipa ti dadael nga itunda na ket malapdan ti panagramram na. Kadagiti met peste nga insekto, nasayaat no atipaen ida a dagus.