Agganagan iti N nga abuno (1 sako nga urea kada ektarya no panagtutudo wenno 1.5 sako nga urea kada ektarya no kalgaw) manipud panaggipi agingana iti panaginaw ken panagsabong no kaaduan a mabasa iti LCC ket nababbaba ngem 4 kadagiti nairaep ken nababbaba ngem 3 kadagiti naisabog.

Nairaep ken naisabog a pagay

Kasapulan a saan a nakurkurang ngem 300 ti bilang ti dawa kada metro kuadrado iti nairaep ken 350 ti bilang ti dawa kada metro kuadrado iti naisabog a pagay. Tapno makarkulo ti kapuskol ti mula, pumili iti 3 a disso a pagsampolan a agpadayagonal a direksion iti uneg ti talon. Masapul a saan nga nakurkurang ngem 1 metro ti kaadayo ti pagsampolan manipud iti igid ti talon.Mangrukod iti 1m x 1m a pagsamploan. Bilangen ti pinuon iti kada kuadrado. Pagdadagupen ti nabilang a pinuon, kalpasanna bingayen iti 3 tapno maala ti gagangay a bilang ti pinuon iti kada metro kuadrado.

Ammuen ken tamingen ti masapul a nitroheno babaen iti Leaf Color Chart  ( LCC ) ken amirisen ti dadduma pay a masapul a taraon babaen iti Minus One Element Technique ( MOET ) wenno Nutrient Omission Plot  (Box 3).

Napintas ti panagdakkel ken nangato ti maapit no maiyaplikar ti umno a klase ken kaadu ti taraon iti pagay iti husto a tiempo.

No ad-adu ti masagrap ti pagay a raniag ti init, nasaysayaat ti panagdakkel ken panangagsepna iti abuno.

Ag-MOET 30 aldaw sakbay nga agraep wenno agsabog tapno maamiris ti kasapulan a taraon iti pagay babaen kadagiti makita a pagilasinan kas iti katayag ken kaadu iti gipi.

Linawas nga ag-LCC manipud panaggipi agingga panagsabong tapno maammuan ti kasapulanna a nitroheno (N). Ti LCC ken MOET ket simple a wagas tapno maammuan no agkasapulan iti taraon ti pagay ken no kaano nga agapliklar tapno makainot iti gastos iti abuno.

Malaksid a maammuan ti kurang a taraon ti pagay, ammuen pay ti dakes nga epekto dagiti mineral no agpili iti iyaplikar nga abuno. Kadawyan nga agsobsobra ti iron kadagiti kapatagan nangruna no agtalinaed ti danum iti talon bayat ti panagdakkel iti pagay.

Dagiti akimbaba a bulong iti pagay a naapektaran iti sobsobra nga iron ket addaan babassit a maris-kape a batikbatik mangrugi iti murdong wenno bulong nga ag-orange-yellow agingga kolor-kape.

Tapno maksayan ti ingel ti iron, paattianan ti talon sakbay a padanuman manen.Liklikan nga agtalinaed ti danum iti talon a narigat a maes-esan; balansien ti iyaplikar a ganagan; ken araduen a namaga iti talon kalpasan ti panaggapas tapno agawaaw ti ingel ti iron.

• Nitroheno Linawas nga ag-LCC manipud 14 nga aldaw kalpasan ti panagraep (AKR) wenno 21 nga aldaw kalpasan ti panagsabog (AKS) agingga iti panagsabong. Ngem no nagpondo iti 14-14-14-12S 14 AKR wenno 21 AKS (kitaen iti Listaan 2 ken 3), rugian ti ag-LCC maysa a lawas kalpasanna (21 AKR wenno 28 AKS).
• Posporus ken Potasium Mabalina paggapuan iti Posporus ken Potasium ti 14-14-14-12S ken 16-20-0 wenno 0-18-0 ken 0-0-60 ngem agpannuray ti usaren iti klase ti daga, puntiria a kaadu ti maapit, ken kaadda ti sidadaan a paggatangan.
• Sulfur Ti kaadu ti sulfur iti 14-1-4-14-12S (12%) kas nailanad iti rekomendasion ti Listaan 2 ken 3 ket umanay a mangsolbar ti kinakurang ti sulfur iti daga.
• Zinc Iti kalgaw, agaplikar iti 25 kilo a zinc sulfate kada ektaria 14 aldaw kalpasan panagraep.