Pag Andam sa Yuta

Print option in slimbox / lytebox? (info)

KEY CHECK 2:

Walay lim-aw o bukdo nga yuta human sa katapusang pagpatag o sapil

Ang maayong pagkapatag o sapil nga basakan:

mas dali magpasanap ug tubig ug mas gamay lamang ang gikinahanglan niini;
mapakunhod ang pagtubo sa sagbot;
mas dali usab ang pagkontrol sa kuhol;
makab-ot ang tupong nga tubo;
ug dungan nga pagkahinog sa humay.

Pagsuta sa Key Check

Sa katapusang pagpatag kinahanglan nga adunay tubig nga ang gilawmon 2-5 sentimetro o sama sa kataas sa tudlo. Paghuman sa katapusang pagpatag kinahanglan nga walay makit-an nga nag-bukdo nga yuta sa basakan nga molapas sa tubig.

Rekomendasyon aron makab-ot ang Key Check

Pagdaro. Darohon ang yuta sa gilawmon nga 10 - 15 sentimetros (sm) uban ang mga sagbot ug uhot, 3 - 4 ka semana sa dili pa magtanum o magsabwag sa pinaturok nga binhi aron aduna pay panahon nga malata ang mga sagbot ug uhot. Kon dili pa kumpleto ang pagkalata sa mga sagbot ug uhot sa panahon sa pagtanum, makahimo kini ug temporaryong kakulangon sa nitrohena. Dugang pa niini, posible usab nga makahatag ug kaaslum sa yuta nga makaapekto sa bag-ong tinanum. Aron mapadali ang pagpalata sa mga organikong materyals, kinahanglan ang basakan pahubsan ug basa-basa lamang. Ang pagpahubas makakuha usab sa makahilo nga materyal (toxic substance) tungod sa paspas nga dekomposisyon.
Hinloan ug ayuhon ang mga pilapil ug mga kanal. Hinloan ang mga pilapil ug kanal aron mapa-abog ang mga dangan ug peste. Ayuhon ug pabantukon usab ang mga pilapil aron walay hunob sa tubig. Ipadayon ang pagmentenar sa pilapil nga dunay gihabugon nga 15 ug gilapdon nga 20 sm aron malikayan ang pagpuyo sa mga ilaga. Ang kalimpyo sa mga kanal masiguro usab ang tupong ug dali nga pagpatubig, ug paghubas.
Pagturtol. Human sa pagdaro, turtolon ang basakan sa dili mominus sa kaduha nga higayon.

Unang pagturtol - himuon usa ka semana human ug daro aron mabungkag ang dinarong yuta ug masagol ang mga sagbot ug uhot;

makatubo usab ang mga tagak nga liso sa humay ug sagbot.

Ikaduhang pagturtol- himuon paglabay sa usa ka semana human ang unang pagturtol. Mao sad kini ang unang pagpatag. Pagahimuon koros

sa direksyon sa unang pagturtol. Kini makadugang sa pagkalata sa mga organikong materyals, ug makapatubo usab sa mga nahabiling liso sa

humay ug sagbot; makatabang sa pagkunhod sa mga puy-anan sa mga dangan ug peste; ug ingon man ma-mentenar ang "hard pan".

Pagpatag sa basakan. Patagon o sapilon ang basakan gamit ang lapad nga tabla ginuyod sa kabaw o kuliglig. Sa maong paagi malikayan ang bukdo ug lim-aw sa basakan.
Pag buhat sa gagmay nga kanal. Para sa direct wet-seeded rice (DWSR), maghimo ug gagmay nga mga kanal kilid sa pilapil ug sa mga taliwala sa basakan nga maoy agianan sa sobra nga tubig, ingon man masayon pag-pamunit sa mga kuhol.

RICE HANDOUTS
LEARNING MODULES
OTHER REFERENCES
VIDEOS